انا هبتدي كده من اول الثورة مرورا بالاحداث ...
ساعة لما المتحف ابتدى يتسرق و الشباب كانوا بيحموه الجيش كان فين؟؟؟
طب ساعة لما العيال بتوع اسفين يا ريس دخلوا على التحرير الجيش سابهم ليه؟؟؟
طب من صبح يوم موقعة الجمال جاية تتدنجل على التحرير سابوها لييييه؟؟
طب كور النار اللي كانت بتترمى على المتظاهرين مكانوش عارفين بيها ولا ايه؟؟؟
طب بلاش طلعوا بيها امتى وازاي؟؟؟
و سابوهم كل ده ليه؟؟؟؟
طويب بلاش كل ده امن الدولة...سابوه مفندق للناس ليه دانا كان ناقص يقطعولي تيكت وانا داخل؟
طب بلاش سابونا ليه واحنا داخلين الحاجات اللي خرجت كان شكلهم قاصدين ؟؟ ولا ايه؟؟؟
طب نعديها...الورق اللي خدوه عملوا بيه ايه؟؟؟ ايه ده بجد ؟ طويب!!!
بلاش امن الدولة اطفيح..مكانش فيها عساكر لغاية ما حسان راح ليه؟؟؟
طب لما ممكن كانوا يحلوها سابوها كل ده ليه؟؟؟
الاستفتاء؟؟؟ايه؟؟
طب بلاش اوضح لما انت هتعمل اعلان دستوري عملت كده ليه؟؟؟
طب انت غاوي مصاريف ولا ايه؟؟؟
بلاش الاستفتاء؟؟؟
ليه مبيحصلش حاجة الا لما يتعمل مليونية؟؟؟ طب بتهدا بعد كده ليه؟؟؟
حسني بيعمل ايه في شرم لغاية دلوقتي ولا على رائي المثل هو مخلوع اه بس دلوع؟؟؟
طب سوزان تمشي ليه؟؟؟
طب اخلائات السبيل دي ايه؟؟ولا هو سبيل ولا ايه؟؟؟
طب المعتقلين دول ولا زي النكتة " اقولك عندك معتقلين تقولي لا وانت عندك جوة "
طب يوم 9 ابريل؟؟ ليه كل ضرب النار ده انت معندش اخوات بلاستيك
طب تيجوا تقولوا مفيش ولا رصاصة اضربت..وبعد كده تقول لاء هو فشينك بس؟؟؟
و في الاخر ضربتوا نار و موتوا ناس ولا لسه بتنكر؟؟
طب قانون مباشرة الحقوق السياسية؟؟والاحزاب و الاعتصامات مبتخدوش رائينا فيهم ليه؟؟؟طب مش موافقين ايه؟؟
على رائي صديقي ولما انتوا معترفين بالثورة مبتعالجوش المصابين بتوعها ليه و مش في مستشفياتكوا ليه؟؟؟
ليه كل الحاجات اللي الثورة اتعملت علشانها المجلس مصمم يعمل عكسها و ماشي بالنظام القديم؟؟؟
حرية
عدالة اجتماعية
طب ليه اللواء أسماعيل عتمان بيتهمنا إننا عملاء وقابضين؟؟ولو غلط منفيتوش ده؟؟
ليه مصدرتش أحكام علي عملو كشف عذرية للبنات ؟ وليه لو دي إشاعة لتلطيخ إسم المجلس ليه بقي مجبتوش اللي طلعها ؟
ليه المصريين بالخارج يتقبل تبرعاتهم وميتقبلش أصواتهم ؟
يعني إيه اللواء ممدوح شاهين يقولنا إتفرجوا عالجيش في ليبيا بيعمل إيه في الشعب !!!!!!!!!!! بيزلنا ؟ ولا نسي هو وظيفته الأساسية إيه ؟
فين الرائد أحمد شومان ؟ إتحاكم ؟ أعدم ؟ بيتعزب ؟ ذكائي المتواضع يقول إن يطلع في الإعلام يوضح الموقف ويهدي الرأي العام لو الجيش معملوش حاجة فعلا .... لكن التستر عليه بالشكل ده يقول إن في حاجة غلط
فين الظباط اللي إتقبض عليهم في إعتصام 9 مارس ؟ لو خونة ومزورين كارنيهاتهم يتحاكمو ... لكن لو مش خونة هما فين ؟
ليه مصممين تمشوا بالنظام القديم في القمع مش عارف ممكن تقولولي؟؟
طب ساكتين ليه على اللي بيحصل في الاعلام؟؟؟
طب الداخلية مكسوفة ادور وشي علشان تنزل الشارع؟؟؟
طب ليه مصممين في البيانات بتاعتكوا تحسسوني انوا ضربني وبكا و سبقني و اشتكى؟؟
طب بجد مش عايزيين تمسكوا الحكم؟؟؟
يعني مفيش مفاجأت؟؟
طويب
على فكرة انا مش ضد الجيش دانا واحد منكوا و لو في اي حد حاول يخطي حدود البلد دي اول واحد هكون بالبدلة العسكرية
بس انتوا اللي خلتونا نسأل الاسألة و عموما هية مجرد اسألة مش اجوبة لو مش صح جاوبوا عليها و لو صح الاعتراف بالحق فضيلة
وعموما ربنا يخليلنا الجيش و يرجعه مكانه تاني...و انا مش ضده انا ضد ان المجلس الاعلى يكمل في مكانه و عايز مجلس رئاسي مؤقت
و عموما انا نازل يوم 27
بعد التحية ..
ردحذفتم اضافة مدونتكم الى ـ مدونون بلا قيود ـ
وسوف ننشر مواجز وروابط لكل تدويناتكم خلال نصف ساعة من نشركم لها
لمزيد من التفاصيل http://modawenon.tumblr.com/icq
ولكم فائق الحرية والاحترام
.
http://twitter.com/#!/modawenon/status/85708576580046849